CEBU CITY-Gipahibalo ni Cebu City Acting Mayor Atty. Alvin Raymond Garcia nga dili siya gusto nga ipaila ang dakbayan sa Sugbo isip Singapore like Cebu City gumikan kay makapawala kini sa identity sa atong dakbayan.
Tataw niini nga bisan paman ug adunay daghang mga maayong butang nga anaa sa Singapore nga gustong sundon ni suspended Mayor Mike Rama nga mahitabo sa atong dakbayan bunga sa iyahang obserbasyon ug pagduaw sa maong nasud.
Kung kahinumduman nga usa kini sa mga panglantaw ni Rama nga mahisusama sa Singapore ang syudad sa Sugbo hilabi sa hisgutanan sa kalimpyo, disiplina ug ingun man kalamboan nga taliwala sa kagamay adunay ikabuga kung hisgutan ang ekonomikanhong paglambo.
Dugang pa ni Garcia nga dili siya ganahan nga mahimong marketing tool ang dakbayan sa sugbo isip Singapore ug mas maayong mangita ug laing termino isip brand o pagpaila sa Cebu City nga siyudad nga adunay kaugalingong ilhanan.
