METRO MANILA-Gikompirmar sa Armed Forces of the Philippines (AFP) nga nakadawat sila og report kalabot sa bilateral China-Russia exercise nga gipahigayon sa Philippine Sea.
Matod ni AFP Public Affairs Office (PAO) Chief Col. Xerxes Trinidad, ang Armed Forces of the Philippines hugot nga nagmonitor sa mga kalihokan sa duha ka nasud sa kadagatan.
Dugang pa ni Col. Trinidad nga ang AFP komitado sa pagsiguro sa kalinaw ug kalig-on sa Indo-Pacific nga rehiyon.
Ingon man nga padayon nilang gibantayan ang maong sitwasyon aron maseguro nga dili malapas ang sovereign rights sa Pilipinas.
Ilabi na nga gipasiugda sa AFP ang kamahinungdanon sa pagpatunhay sa kalinaw ug kalig-on sa rehiyon.
Subay niini, ang Pilipinas nanawagan sa tanang partido sa pagsunod sa internasyonal nga mga balaod ug sumbanan.
Sa laing bahin, gikataho nga ang Peoples Liberation Army Navy sa China nagdeploy sa Shandong Chinese carrier strike group sa kadagatan sa Pilipinas samtang gipadala usab sa Russia ang ilang mga corvette.
Gani mipasalig ang AFP sa pagsiguro sa kalinaw ug kalig-on sa Indo-Pacific nga rehiyon diin pinaagi sa ilang pagpadayon sa pagmonitor sa sitwasyon aron masiguro nga dili malapas ang mga katungod sa soberanya sa PH.
