Nanamilit na isip pangu sa Regional Peace and Order Council – Central Visayas (RPOC-7) si Outgoing Lapu-Lapu City Mayor Junard “Ahong” Chan atol sa 2nd Quarter Meeting niini karong tuiga sa Mactan Newtown dakbayan sa Lapu-Lapu kagahapong adlawa sa Huwebes, Hunyo 19, 2025.
Kun diin gipamulong sa maong panagtigom ang Peace and Order Situation Report sa rehiyon nga may kalabotan sa public safety ug uban pa.
Sa 41 ka mga regular members sa RPOC-7, 32 niini ang nakatambong kagahapon diin natukod kini og quorum nga nakapasiugdam sa kalihokan.
Isip chairperson sa RPOC-7, si Chan kay pormal nga nanamilit kini human natapos ang iyang katungdanan isip Mayor sa dakbayan ug muhulip isip Lone District Congressman nga nagbaylo lang og posisyon s iyang asawa nga si Mayor-Elect Cindy King-Chan.
Mipadayag sa iyang pasalamat si Chan sa iyang mga kauban ug mga partner agencies ug mga stakeholders sa ilang suporta sa pagpanerbisyo sa maong konseho.
Pinaagi sa iyang mensahe, gihinumdum ni Chan ang kalampusan niini ilawm sa iyang pagpangulo sa konseho sa paningkamot sa pagbaton sa kahapsay ug kalinaw sa Central Visayas.
Sa maong miting, gipresentar niini ang mga updates ug reports gikan sa mga law enforcement agencies ug lokal nga mga kagamhanan nga nakatutok sa seguridad ug coordinated operations nila alang sa seguridad sa rehiyon.
