Gilimod sa celebrity couple nga sila si AJ Raval ug Aljur Abrenica nga aduna na sila’y anak.
Matod sa 23-anyos nga aktres nga nipahuway usa siya sa industriya kay giuna niya ang iyang pagtuon pinaagi sa Alternative Learning System (ALS) ug dili tungod kay mabdos kini.
Iya usab nga gitul-id ang halos tinuig nga espekulasyon nga iyang gisabak ang anak ni Aljur.
Ingon man nga kon gani mabdos kini, bisan og daghan ang masuko kay gihingusgan niya nga siya ang labing magmalipayon nga tawo sa kalibutan.
Nakurat usab ang aktor sa maong tsismis.
Giangkon sa duha nga kabahin sa ilang plano ang paghimo og kaugalingong pamilya, apan sa pagkakaron priority nila ang career ug ang duha ka unang mga anak ni Aljur sa iyang kanhi asawa nga si Kylie Padilla.
Una nang giingong si AJ ang rason sa panagbuwag nila ni Kylie ug Aljur, apan giklaro ni Kylie niadtong Marso 2023 nga dili mistress si AJ ug giawhag usab niya ang publiko nga likayan ang pag-bash sa young actress.
