Giduso sa Akbayan Party-list ang House Bill 9929, o ang “Lived Identities and Recognition Act” (Sharmaine Bill), isip pagtamod sa Pride Month.
Katuyoan sa maong balaodnon nga pasunon ang legal nga ngalan ug gender marker sa mga transgender, intersex, ug non-binary nga mga Pilipino ngadto sa ilang tinuod nga mailhan nga identidad pinaagi sa mas simple ug mas daling pamaagi.
Gihimo kini human makita nga daghang trans ug intersex nga mga Pilipino ang nakasinati og diskriminasyon tungod sa mga ngalan nga nakasulat sa ilang mga legal nga dokumento.
Ubos sa maong balaod, mahimo nang usbon ang ngalan ug uban pang detalye sa mga papel nga dili na kinahanglang moagi sa taas ug madakong proseso sa korte.
Gilakip usab sa panukala ang mga biktima sa gender-based violence ug child abuse nga gustong mag-ilis og ngalan alang sa ilang kaluwasan ug kaayohan.
