Nagpabilin sa Alert Level 3 ang Bulkan sa Mayon human nakatala og taas nga seismic energy release pag-usab, sumala sa Philippine Institute of Volcanology and Seismology (Phivolcs).
Gipasabot sa institusyon nga adunay pagtaas sa real-time seismic energy release nga natala gikan sa unom ka estasyon sa Mayon Volcano Network.
Kini, matod pa, tungod usab sa pagtaas sa impluwensya sa mga pagtay-og sa bulkan samtang walay natala nga linog sa bulkan gikan sa Mayon.
Bisan pa niini, gipasalig sa Phivolcs nga walay pagtaas sa ground deformation nga natala sa Bulkan sa Mayon sa miaging 24 oras apan nakatala og 256 ka rockfall events ug 41 ka landslides sulod lang sa 24 oras.
Samtang, ubos sa Alert Level 3, hugot gihapon nga gidili ang pagsulod sa 6-kilometrong radius ng Permanent Danger Zone tungod sa hulga sa pagdagayday sa lava, sa lapok, pagkahulog sa bato, ug uban pang mga peligro sa bulkan nga mahimong ipagawas sa Mayon.
Gitambagan usab ang mga residente sulod sa 8-kilometers radius gikan sa bunganga sa bulkan nga mangandam alang sa posibilidad sa pagbakwit kung mograbe ang sitwasyon ug ang lebel sa alerto gipataas sa Alert Level 4.
