Gikatakdang nga mobalik sa aksyon sa Mutua Madrid Open sa Spain si Philippine tennis star Alexandra ”Alex” Eala, human sa sunod-sunod nga kapildihan sa iyang kampanya sa clay-court.
Ang World No. 45 nga si Eala gikatakda nga makigkompetensya sa iyang ikatulong clay tournament sugod sa Abril 21, 2026, diin sa karon, nagtinguha kini nga makabangon human mapildi sa Linz Open ug Stuttgart Open.
Sa Stuttgart Open, napildi si Eala sa Filipina-Canadian player nga si Leylah Fernandez 1-6, 4-6.
Bisan pa sa kapildihan, nakakuha siya og atensyon human naningkamot nga makabawi sa ikaduhang set aron maputol ang biya sa wala pa gyud modaog si Fernandez.
Sa sayo pa, napildi usab si Eala sa Round of 16 sa Linz Open kang Jelena Ostapenko 4-6, 5-7, human sa iyang miaging kadaugan sa opening round.
Bisan pa sa mga kapildihan, nakakuha gihapon siya og premyo nga €11,309 o gibana-bana nga P797,000 sa Stuttgart Open.
Sa laing bahin, gidayeg sa kampo ni Fernandez ang determinasyon ni Eala nga dili mohunong sa duwa, labi na sa iyang paggukod sa ikaduhang set.
Ang Madrid Open giisip nga usa sa pinakadako nga torneyo sa WTA 1000 sa clay, diin si Eala nagtumong nga makabawi ug mapasig-uli ang iyang maayong posisyon.
