Mag-atubang og laing dakong hagit si Alex Eala human sa iyang pag-abante sa ikatulong hugna sa Cincinnati Open, diin iyang sagubangon ang world No. 10 nga si Amanda Anisimova sa Estados Unidos.
Nakaabot si Eala sa Round of 32 human sa iyang 6-1, 3-0 nga pagpanguna batok sa Romanian nga si Elena-Gabriela Ruse, nga napugos sa pagretiro tungod sa injury sa iyang tuo nga tiil.
Samtang, diretso usab nga miabante si Anisimova human niya pildihon si Zeynep Sonmez, 6-2, 6-3.
Kini ang unang panagtagbo nila Eala ug Anisimova sa ilang propesyonal nga karera.
Mosulay si Eala nga ipadayon ang iyang maayong momentum human sa iyang unang WTA Tour title sa DC Open ug lig-ong performance sa North American hard-court swing.
Gikatakda ang ilang duwa sa Lunes sa gabii, Agosto 17, oras sa Pilipinas, sa Mason, Ohio.
