Opisyal nang gihangop sa magtiayong Alex Gonzaga ug Mikee Morada ang ilang unang anak nga usa ka batang lalaki.
Gikumpirma kini pinaagi sa usa ka social media post sa shapewear brand ni Alex niadtong Agosto 27, diin nag-paabot sila og pahalipay sa magtiayon gamit ang hulagway gikan sa ilang maternity shoot. Gi-like usab ni Alex ang post, nga nagpahayag sa iyang kalipay sa ilang new chapter isip mga ginikanan.
Dugang pa niini, gikumpirma usab sa inahan ni Alex nga si Mommy Pinty ang maayong balita, diin gibutyag niya nga lalaki ang bata, bisan pa man wala na gipagawas ang ubang detalye sa pagkatawo niini.
Ang maong pagkumpirma nahitabo pipila ka adlaw human nag-post si Alex sa iyang baby bump sa social media ug nagpa-ambit sa iyang emosyonal nga mensahe bahin sa pagmabdos, nga nakapahimo sa mga netizen ug mga higala nga mopadala dayon og mga pahalipay sa ilang dugay nang gipaabut nga grasya.
