Alex Gonzaga, nagsabak na!

Gipaambit sa social media personality ug aktres nga si Alex Gonzaga nga mabdos siya sa unang anak niini sa iyang bana nga si Mikee Morada.

Sa caption ni Alex nga human sa unom ka tuig nga paghulat ug tulo ka failure, wala gayud siya mawad-i og paglaum nga matuman ang ilang damgo sa kaminyuon.

Naghinamhinam sila nga mahimong usa ka inahan ug nga ang iyang bana nga si Mikee mahimong amahan sa ilang unang anak.

Nipadayag og pahalipay ang ilang mga kaubanan sa industriya ug mga netizens nga saksi sa journey sa ilang kaminyoon.

Daghan usab ang nakahilak gumikan finally gihatag najud ang ilang gipangayo ug gipangandoy.

Giawhag usab niya ang publiko nga ipadayon ang pag-ampo alang sa iyang pagmabdos aron ang bata sa iyang sabakan luwas ug himsog.