Mihatag sa iyang pamahayag si Alan Joel Parcolit, ang ambulant vendor nga mikatap sa social media human kini gidakop sa mga sakop sa Prevention, Restoration, Order, Beautification, and Enhancement) kon PROBE Team, nga kalit lang siya nga gidakop sa bahin sa Manalili Street sa Downtown Cebu.
Matud ni Parcolit, nga kalit lang siya gidakop sa mga sakop sa PROBE ug gikuha iyang ang mga paninda nga lansones.
Sigon niini nga atol sa panghitabo, inanay siyang mipalayo aron paglikay nga madakpan apan, giingung kalit kining gitouk sa usa sa mga sakop niini og gibira ang shorts ug gipusasan hinungan sa pagkalangkat og pagkakita sa pribado niining parte sa lawas.
Dugang pa ni Parcolit, nga subay sa panghitabo, nawala usab ang iyang mga gamit sama sa cellphone og wallet nga adunay sulod nga halin.
Sa pikas bahin, gikuha usab ang habig sa Head sa PROBE Team nga si Rune Maquiling, ug mihimakak sa mga pasangil sa mismong tindero.
Matud ni Maquiling nga subsob ang pagpanakop sa buhatan gumikan kay adunay mga reklamo nga nadawat gikan sa mga konsumidor nga adunay kaso sa pagpanikas sa pagtinda.
Dugang usab niini nga gipusasan ang maong tindero gumikan kay bayolenti kini atol sa pagdakop og gikataho nga naka-inom kini og ilimnung makahubog.
Giklaro usab niini nga wala’y nanghilabot sa mga gamit sa tindero ug miingun nga andam silang moatubang og makapamatuod nga gikuha ang mga gamit niini.
