Amerika, giaprobahan ang kapin sa $20B ang weapons package alang sa Israel

UNITED STATES-Giaprobahan sa Amerika ang kapin sa $20 bilyon nga bag-ong weapon package alang sa Israel.

Sumala sa US State Department, giaprobahan niini ang pagbaligya sa 50 ka F-15 fighter jets ngadto sa Israel sa kantidad nga $18.82 bilyon.

Magsugod kini sa pagpadala sa 2029 nga mag-upgrade sa kasamtangan nga fleet sa Israel lakip ang radar ug luwas nga kagamitan sa komunikasyon.

Dugang sa State Department nga importante sa nasudnong interes sa US ang pagtabang sa Israel nga magpabiling lig-on ug makahimo sa pagpanalipod sa kaugalingon.

Gawas niini, mopalit usab ang Israel gikan sa US og mga 33,000 ka tank cartridge, 50,000 ka explosive mortar cartridge ug bag-ong military cargo vehicles.