MANDAUE CITY, CEBU- Naghilak ug mapainubsanon nga nangayo og tabang si Pearl Angel Mediana, anak ni Adeline Mediana, usa sa mga biktima nga namatay sa trahedya nga aksidente sa B. Suico St., Barangay Tingub, Dakbayan sa Mandaue niadtong Sabado, Abril 11, 2026.
Sa pakighinabi sa Bombo News Team, gipadayag niya nga bisan gamay nga hinabang, dako na kaayo kini og matabang, ilabi na sa ilang adlaw-adlaw nga panginahanglan ug sa pagpadayon sa ilang pag-eskwela isip pito ka managsuon.
Matud ni Pearl, lisod kaayo dawaton ang kalit nga pagkawala sa iyang inahan ug sa iyang stepfather nga si Marvin Ocampo Dayuha, nga iyang giila ug nadak-an isip amahan sukad pa sa iyang pagkabata.
Bisan pa sa kasakit, nagpabilin siyang lig-on alang sa iyang mga igsuon nga karon nag-atubang og dakong pagsulay sa kinabuhi.
Gipaambit usab niya nga sa wala pa ang trahedya, nagpaabot pa unta sila sa ilang ginikanan sa pagpauli aron manihapon, tungod kay gutom na sila. Apan imbes kalipay, trahedya ang ilang nasinati human nila mahibaw-an ang nahitabo.
Nasayran nga ang mag-live-in partners nga nalambigit sa aksidente nagbilin og pito ka mga anak nga karon nagkinahanglan og suporta ug pag-atiman.
Sa mga ka-Bombo nga adunay kasingkasing sa pagtabang, mahimo ninyo ipadangat ang inyong hinabang pinaagi sa GCash number: 0915-8410-378 alang sa mga batang nabilin.
