Nagkauyon ang Dallas Mavericks ug Washington Wizards sa eight-player blockbuster trade.
Diin ang Dallas nagkauyon nga ibaligya ang 10-time All-Star big man nga si Anthony Davis uban sa mga guard nga sila si Jaden Hardy, D’Angelo Russell ug Dante Exum ngadto sa Wizards.
Si Davis makadawat nila ni Khris Middleton, AJ Johnson, Malaki Branham, Marvin Bagley III, duha ka first-round draft picks ug tulo ka second-rounders baylo kaniya.
Ingon man nga nahitabo ang blockbuster trade usa ka adlaw sa wala pa ang deadline trade sa NBA.
Kon balikan ang kinatibuk-ang pagpabilin ni Davis sa Mavericks sukad siya gibaligya gikan sa Los Angeles Lakers, nakaduwa lang siya og 29 ka duwa tungod sa lain-laing mga angol.
Bisan pa, taas gihapon ang produksiyon sa big man, sa scoring ug depensa. diin nag-average kini og 20.1 puntos ug 11.1 rebounds kada duwa sa 20 ka duwa nga iyang gidula karong season.
Ubanan siya sa Washington sa kanhing Atlanta Hawks star nga si Trae Young, kinsang na-injured usab.
Sa laing bahin, ang kanhi NBA champion nga si Khris Middleton adunay average nga 16.4 puntos, 4.7 rebounds ug 3.9 assists kada duwa. Namentinar niya kini nga mga average sa tibuok niyang 14 ka season sa NBA.
