Milapad pa ang mga protesta sa US batok sa Immigration and Customs Enforcement (ICE) human sa kamatayon sa usa ka babaye sa Minneapolis.
Gihangyo sa mga nagprotesta ang pagtangtang sa mga awtoridad sa federal immigration gikan sa ilang komunidad.
Diin kapin sa 1,000 ka mga tawo gikan sa New York, Washington DC, El Paso ug Boston ang miapil sa protesta.
Nasayran nga migamit ang mga awtoridad og pepper spray batok sa mga nagprotesta nga misulay sa pagduol sa opisina sa ICE.
Matud ni Homeland Security Secretary Kristi Noem nga tungod sa insidente, ilang gidugangan ang gidaghanon sa mga Opisyal sa Customs and Border Patrol nga gipadala sa Minneapolis.
Mahinumduman nga ang biktima, si Renee Good, gipusil ug gipatay sa mga opisyal sa ICE, diin ang White House midepensa nga ang biktima giingong misulay sa pagdagan sa mga awtoridad.
