Gikatakdang makadawat ang tulo ka Pilipinong arsobispo sa “pallium” gikan ni Pope Leo XIV, usa ka woolen vestment nga nagsimbolo sa ilang awtoridad isip mga arsobispo sa metropolitan ug sa ilang pakig-uban sa Santo Papa.
Si Pope Leo ang mangulo sa usa ka Misa sa St. Peter’s Basilica sa Hunyo 29, alang sa Solemnity ni San Pedro ug Pablo, diin iyang bendisyonan ug ipatuman ang pallia sa bag-ong gitudlo nga mga arsobispo sa metropolitan gikan sa tibuok kalibutan.
Ang mga Pilipinong pari nga makadawat mao sila si Arsobispo Alberto Uy sa Sugbo, Arsobispo Charlie Inzon sa Cotabato ug Arsobispo David William Antonio sa Nueva Segovia.
Si Uy, 59 anyos, gitudlo nga arsobispo sa Cebu niadtong Hulyo 16, 2025, ug gi-instalar niadtong Septiyembre 30. Si Inzon, 60 anyos, gitudlo nga arsobispo sa Cotabato niadtong Septiyembre 8, 2025, ug gi-instalar niadtong Disyembre 8. Samtang si Antonio, 62 anyos, gitudlo nga arsobispo sa Nueva Segovia niadtong Nobyembre 4, 2025, ug gi-instalar niadtong Enero 14, 2026.
Sa wala pa ang seremonyas, gihangyo ni Uy ang mga magtutuo nga mag-ampo sa ilang kaluwasan atoll sa ilang pagbiyahe paingun og pauli sa Pilipinas.
Ang pallium, nga hinimo gikan sa puti nga balhibo sa karnero, isul-ob sa mga arsobispo sa metropolitan atol sa liturgical celebrations sulod sa ilang mga probinsya sa simbahan.
Kini nagsimbolo sa ilang pastoral resposibility, sa ilang panaghiusa sa Santo Papa ug sa ilang papel isip mga shepherds.
Ang bisti gimarkahan og unom ka itom nga seda nga krus ug gisegurohan og tulo ka mga pin, nga tradisyonal nga nagpahinumdom sa mga lansang nga gigamit sa paglansang kang Kristo.
Matag tuig, ang bag-ong gitudlo nga mga arsobispo sa metropolitan mobiyahe ngadto sa Vatican aron modawat sa pallium, usa sa labing mahinungdanon nga simbolo sa ilang katungdanan.
