CEBU CITY-Magpahigayon og prayer rally ang Archdiocese of Cebu pinaagi sa Commission on Family and Life didto sa Fuente Osmeña Rotunda sa umaabot nga Hulyo 27, 2024.
Ang maong prayer rally motadlas sa ala 1 sa hapon sa umaabot Hulyo 27 gikan sa Fuente Osmeña Rotunda padulong sa Basilica Minore del Sto. Niño de Cebu agak ang mga imahe nila Sts. Louis ug Zelie Martin, St. Joseph, Our Lady of Guadalupe, ug ni Sñr Sto. Niño.
Kini atol sa padayong pagsupak sa simbahang katolika sa pagpasar sa Absolute-Divorce Bill nga sukwahi sa panudlo niini sa mga paroyahanon sa sagradong sakramento sa kasal ug kaminyoon.
Nitambong atol sa conference sila si Cebu Archbishop Jose S. Palma, Cebu Auxiliary Bishops Midyphil “Dodong” Billones ug Ruben Labajo, Msgr. Raul Go (Archdiocesan Judicial Vicar), Fr. Eligio Suico (Chair, Commission on Family & Life – Archdiocese of Cebu), Fr. Carmelo Diola (Member, Core Committee), Mr. & Mrs. Jojo ug Connie Suico (Archdiocesan Couple Coordinator), ug uban pang mga miyembro.
Nahitabo ang conference kagahapong adlawa, Hulyo 20 sa Filipiniana Hall, Archbishop’s Residence Compound, ning dakbayan sa Sugbo.
