CEBU CITY-Nanghinaut si Cebu Archbishop Jose Palma nga aprobahan sa Vatican ang “Sugbuswak”.
Kini ang ilahang hangyo nga bahinon ang ‘archdiocese’ nga mao ang labing dako sa Pilipinas, arun nga mas maka-alagad sa mga tumutuo.
Gikatakda nga ipresentar sa arsobispo ang plano sa dibisyon sa National Assembly sa Catholic Bishops’ Conference of the Philippines (CBCP) karung Hulyo nga ipahigayon sa Aklan.
Ang plenary assembly sa CBCP kay usa ka semi-annual nga panagtapok sa 88 ka mga kasamtangan nga obispo sa Pilipinas, 37 ka mga retirado o ning resign nga mga prelate, ug duha ka diocesan priest administrators.
Sa Enero sunod tuig, gilauman ang mas komprehensibo nga bersyon sa division plan sulod sa archdiocese, ang isumitir ngadto sa Vatican arun nga tun-an ug aprobahan ni Pope Francis.
