CEBU CITY-Sikop ang 4 ka lalaki kinsang gitoohang mga armadong grupo nga nalambigit sa shooting inciednte sa Brgy. Bugho lungsod sa San Fernando pasado alas 2 sa hapon adlawng Huwebes Mayo 9.
Naila ang mga nasilkop nga sila si Romeo Oles, Manuel Alidon, Anastacio Soles ug Presco Tapales kung diin duha niini ang nakuhaan og Mangnum 357 caliber pistol.
Matud ni Police Major Lymel John Pasquin ang hepe sa San Fernando PNP nga dunay nagpahigayon og election caravan sa maong area sa dihang nahitabo ang pagpamusil nga miresulta sa engkwentro taliwa sa mga AFP,PNP ug sa mga armadong grupo.
Apan gitino ni Pasquin nga padayon pa nila nga gisuta kung unsa ang motibo sa pagpamusil.
Kasong pagkupot ug armas nga way lisensya in relation sa Comelec gun ban ug kasong assault sa pagpabuto ngadto sa PNP ug AFP ang ipasaka batok sa upat nga dinakpan.
Sa laing bahin,gitudlo ni San Fernando Mayoralty Candidate Ruben Feliciano si San Fernando Mayor Neneth Reluya nga maoy nagpaluyo sa pagpangatake sa armadong grupo.
Kini human nga gibutyag ni Feliciano nga siya ang nangampanya niadtong higayona nga mi-abot ang mga armadong grupo./
Pagsaysay pa ni Feliciano nga gipusil sa mga suspect ang iyang campaign jingle vehicle.Maayo nalang matud pa kay nakaresponde ang kapulisan ug AFP ug nasikop ang 4 sa mga namusil.
Tungod niini, gihimug-atan ni Feliciano nga siya matud pa ang boot banhigan sa mga suspect ug ang nagpaluyo matud pa niini walay lain kundi si Mayor Reluya.
Boot matud pa sa Mayor sigon ni Feliciano nga patyon siya sanglit ang Brgy. Bugho ang giingong teritoryo sa mga Reluya.
