Gipresentar ni House private prosecutor Atty. Lorna Kapunan ngadto sa impeachment court ang mga resibo sa pag-ila nga giingong nagpakita sa mga nakadawat og confidential funds gikan sa Office of the Vice President (OVP), atol sa ika-14 nga adlaw sa impeachment trial ni Vice President Sara Duterte karong Agosto 11, 2026.
Lakip sa mga ngalan ug kantidad nga nahisgotan sa mga dokumento mao ang:
Heart Santiago — ₱250,000
Feonna Villegas — ₱500,000
Beth Revilla — ₱50,000
Clarisse Hontivero — ₱500,000
Jose Diokno Jr. — ₱120,000
Diane Maple Lapid — ₱150,000
John A. Lapid Jr. — ₱350,000
Ralph Josh Bacon — ₱150,000
Anne Ongpauco — ₱50,000
Sa kinatibuk-an, ang reward payments nga makita sa mga resibo sa pag-ila mikabat sa ₱2.12 milyon.
Sa pikas bahin, gisang-at ni Kapunan sa Senate Impeachment Court ang iyang reklamo batok sa defense panel, nga giingong wala motubag sa ilang mga mensahe ug wala mitambong sa giplanong miting niadtong Huwebes ug Biyernes alang sa pagtandi sa mga resibo.
Sa iyang manifestation atol sa ika-14 nga adlaw sa impeachment trial niadtong Martes, Agosto 11, giingon ni Kapunan nga ang maong aksyon nagpakita og “bad faith” sa bahin sa depensa.
Matud sa private prosecutor, nangatarungan ang depensa nga kulang sila og mga abogado ug wala silay igong panahon sa pagtuman sa mando ni Presiding Officer Francis Escudero.
Murag nigaan ang diskusyon sa dihang giklaro sa presiding officer kang Atty. Kapunan nga wala siya gi-indian apan ‘ghosted’ kay wala pa may nahitabong panagsulti.
