Atty. Ligutan, dili papason ang Facebook post bahin sa “misleading questions”

Dili papason ni Private Prosecutor Atty. Virgil Ligutan ang iyang Facebook post bahin sa iyang gitawag nga “misleading questions” sa depensa atol sa cross-examination.

Kini ang iyang gipasalig sa usa ka ambush interview human sa ika-15 nga adlaw sa impeachment trial, mitubag si Ligutan sa manifestation nga gisang-at ni Defense Lead Counsel Atty. Sheila Sison sa impeachment court.

Giinsistir ni Ligutan nga ang iyang post dili malisyoso o daotang tuyo apan usa lamang ka pagpasabot sa pamaagi sa korte nga ang mga misleading questions dili gitugotan sa mga pagdungog, labi na sa cross-examination.