Nisang-at og petisyon si Atty. Ferdinand Topacio sa Korte Suprema batok kang Presidential Adviser for Poverty Alleviation Sec. Lorenzo ‘Larry’ Gadon.
Iyang gisang-at ang specific petition for ‘indirect contempt’ batok kang Gadon kalabot sa deklarasyon nga giluwatan sa Korte Suprema.
Matod ni Atty. Topacio, kini nga petisyon giaghat sa mga pamahayag sa maong kalihim nga giingong dili angay o walay pagtahod sa Hudikatura o sa Korte Suprema.
Kahinumduman nga gideklarar sa Korte Suprema nga ‘unconstitutional’ ang ‘articles of impeachment’ nga niani og nagkadaiyang reaksyon sa publiko.
Sa samang higayon, niabot sa buhatan sa korte ang ubang mga petitioner ug pipila ka grupo sa mga raliyista nga misang-at usab sa samang petisyon.
Busa, ang kasamtangang chairman sa Duterte Youth Party-list nga si Ronald Cardema, nipahibalo sa iyang suporta sa maong mga inisyatiba.
