AUSTRALIA-Niani og mga positibong reaksiyon gikan sa netizens ang usa ka facebook post niadtong July 14, 2024 diin hulagway kini sa babayeng naka red uniform sa usa ka Australian airline kinsang nag-assist og mga pasahero sa airport.
Apan ang nakapa wow sa mga netizens niini kay ang maong empleyado, babayeng adunay down syndrome.
Base sa caption ug gatusan ka mga comments, diin nakaani og pagdayeg ang maong airline tungod sa pag-encourage og diversity sa work force.
Sa recent post sa Australian airline, giila ang maong babaye with Down syndrome nga si Alle Sayers, usa ka permanent part-time receptionist sa airline.
Gipanghambong sa airline si Alle tungod sa importanteng papel nga gihuptan niini sa usa ka Down Syndrome conference sa Australia.
Base sa airline general manager nga si Paul Woosnam nga dako kaayo ang kontribusyon ni Alle isip empleyado.
Samtang adunay komento gikan sa usa ka pinoy nga nag-ingong, mas maayo unta kung buhaton sab kini sa mga nagkadaiyang airline sa Pilipinas.
