AUSTRIA – Halos mabungog gyud kita sa mga challenges nga nahimong uso sa internet sama lang sa “no hands challenge,” “momo challenge,” ug ang mahinungdanong “ice bucket challenge”.
Apan adunay challenge sa nasud nga Austria diin nabalaka mismo ang gobyerno. Kini human nga mipahimangno ang Austrian government nga maghinay-hinay ang mga netizens sa pagbuhat sa “cow-kissing challenge” gumikan sa pagkadelikado.
Nagsugod ang maong challenge sa usa ka mobile application diin ilang gilusad ang #KuhKussChallenge (cow kiss challenge) aron makakuha og pondo for charity.
Sa maong challenge, kinahanglang makahalok ang matag German og usa ka baka, naay dila man o wala.
Tungod niini, nabalaka si Austrian Agriculture Minster Elisabeth Koestinger sa maong challenge kay delikado man kini ug walay hinungdan.
Matud ni Koestinger nga dili gayud yatak-yatakan ug biay-biayan ang mga baka sanglit sensitibo man sila. Kun ugaling masamokan man ang mga baka, mamatid kini.
Maong gi-awhag ni Koestinger ang mga followers sa maong app nga ihunong ang paghalok o pagchula sa mga baka aron walay kinabuhi ang mabutang sa alanganin.
