-- ADVERTISEMENT --

Gipaambit sa usa ka netizen nga ginganlag “Anushka” ang usa ka video sa social media nga nagpakita sa pamaagi sa mga ginikanan sa pagpadayag sa ilang gugma pinaagi sa gagmay nga mga buhat imbes nga mga pulong.

Sa maong video, makita ang iyang mga ginikanan nga miuban kaniya sa usa ka train station sa India ug nagpabilin sa plataporma hangtod nga nakabiya na ang iyang tren—usa ka makatandog nga higayon nga dali ra mikatap online.

Nagdala ang video og teksto nga “Things Parents Do Instead Of ‘I Love You,'” nga nagpahinumdom kon giunsa pagpakita sa mga ginikanan ang ilang tinuod nga pagmahal pinaagi sa ilang pag-amuma ug presensya.

Ubay-ubay nga mga netizens ang natandog ug mipaambit usab sa ilang kaugalingong kasinatian bahin sa gugma sa ilang mga ginikanan.