CEBU – Dili bomba ug mga sinina lang ang sulud sa usa ka bag nga gibilin atubangan sa Engineering’s Office sa Talisay City Hall kaganihang buntag.
Kini ang gitataw ni Police Lt.Col. Marlu Conag, ang hepe sa Talisay City Police Office.
Una niini, gisaysay ni Lt. Col. Conag nga nakadawat sila ug report gikan sa gwardya sa city hall mahitungud sa makadudahan nga bag nga gibilin atubangan sa nahisgutang opisina hinungdan nga dali kini nila girespondihan kauban ang bombo squat, ingun man ang mga sakup sa SWAT.
Gibutyag ni Conag nga daling gipagawas ang mga empleyado sa City Hall arun sa paglikay sa disgrasya, ingun man sa pag-secure sa tibu-uk area.
Subay sa maong hitabu, mideklarar si Talisay City Mayor Eduardo Gullas ug suspensyon sa trabaho sa tanang mga empleyado sa City hall alang sa kaluwasan sa tanan.
