Nanawagan ang bag-ong Chinese Ambassador sa Pilipinas, si Jing Quan, alang sa diyalogo ug pagpugong sa kaugalingon, nga nag-insister nga ang panaglalis bahin sa gikuwestiyon nga katubigan dili angay magdikta sa kinatibuk-ang relasyon sa Tsina ug Pilipinas.
Sa usa ka press conference, si Jing miingon nga iyang gitinguha nga palig-onon ang relasyon tali sa duha ka nasud ug dumalahon ang mga kalainan pinaagi sa diyalogo.
Dugang pa nga ang duha ka habig adunay abilidad ug kaalam sa pagsulbad o pagdumala sa mga tensyon, sama sa gibuhat sa Tsina sa ubang silingang mga nasud.
Gibutyag usab nga ang mga diplomat gikan sa duha ka nasud nakaabot sa usa ka inisyal nga kasabutan alang sa sunod nga hugna sa diyalogo, ug nanghinaut siya nga ang mga negosasyon sa usa ka Code of Conduct sa gikuwestiyon nga katubigan mapadali karong tuiga samtang ang Pilipinas ang nagkupot sa ASEAN Chair.
Gipasiugda ni Jing nga ang isyu sa kadagatan usa lamang ka aspeto sa usa ka mas lapad nga relasyon, lakip ang pamatigayon, imprastraktura, ug enerhiya.
Dugang pa sa embahador nga ang Pilipinas dili kinahanglan nga mopili tali sa China ug Estados Unidos, tungod kay mahimo kini nga adunay maayong relasyon sa duha ka nasud alang sa dugay nga interes sa mga tawo.
