CEBU – Gihabwa ang patay lawas sa usa ka 63-anyos nga babaye sa wala pa mailhing mga tawo sa Kabankalan City, Negros Occidental.
Hinungdan nga nagtoo ang mga kapulisan nga hinungdan gimolestiya kini, gumikan kay nawala ang mga sapot sa lawas niini.
Kini ang gibutyag ni Lieutenant Colonel Raymond Cruz, hepe sa Kabankalan City Police Station, nga ang insidente nadiskubre niadtong Lunes sa buntag, Agosto 29, 2022.
Dugang pa, nga nanawag sa estasyon ang pag-umangkon sa babaye nga giilang si Ricky Aguilar, aron i-report nga ang lawas sa iyang iyaan nga si Gloria Padrigo, nahabwa gikan sa iyang lubnganan sa public Cementery.
Nasayran nga gilubong ang iyang iyaan niadtong Domingo sa hapon, Agosto 28, hinungdan nga nibalik siya ug ang ubang mga kabanay pagkaugma aron mobisita, apan ilang nasugatan nga hubo nga lawas kilid sa lubnganan.
Gawas sa pagtuo nga ang lawas nabiktima sa mga tawo nga nag-antos sa necrophilia, “a perverted sexual behavior where the perpetrator gets pleasure having sex with the corpses,” susihon usab sa pulisya ang mga paryente kung nawala ang mga alahas niini.
