Nag apod-apod ang Gobyerno Probinsya sa Bohol og 10 ka kilo nga bugas ngadto sa mga kabus nga pamilya sa tibuok probinsya ubos sa Rice Distribution Program sa nasudnong gobyerno. Ang programa gipondohan pinaagi sa Local Government Support Fund–Financial Assistance to Local Government Units (LGSF-FA to LGUs), diin ang Bohol nakadawat og kinatibuk-ang alokasyon nga P196 milyon.
Ang maong pag-apod-apod nagsugod niadtong Mayo 14, hangtod sa Mayo 21, 2026, diin adunay 25,049 ka sako sa bugas ngadto sa mga benepisyaryo gikan sa mga marginalized ug vulnerable nga sektor sa 13 ka lungsod: Panglao, Bien Unido, Sierra Bullones, Alburquerque, Loay, Baclayon, Cortes, Maricia, Garcia, Garcia, Anda Hernandez, Hernandez, Hernandez Pilar, ug Tagbilaran City.
Gikbutyag usab ni Bohol Governor Erico Aristotle Aumentado nga ang mga benepisyaryo makadawat og tabang sa upat ka siklo sa pag-apod-apod ubos sa programa, nga ang mga payout ipahigayon matag duha ka bulan.
Dugang ni Aumentado, tungod sa mga hagit ug krisis nga nasinati karon, daghan ang naapektuhan, labi na sa pagsaka sa presyo sa mga palaliton. Hinungdan nga padayon niini nga gipadali ang pag-apod-apod sa bugas nga gipondohan sa nasudnong gobyerno aron kini dali nga makaabot sa mga benepisyaryo sa lainlaing mga munisipyo.
Subay niini, ang mga benepisyaryo gikuha gikan sa mga kabus ug huyang nga mga panimalay nga giila sa mga local government unit (LGU) subay sa DBM-DILG Joint Circular No. 1, serye sa 2026, nga nagdumala sa pagpagawas ug paggamit sa mga pondo sa LGSF-FA.
Aron mapalapdan ang maabot sa programa, ang gobyerno sa probinsya naggahin ug P11-milyon nga counterpart fund, samtang ang mga partisipante nga LGU naghatag ug dugang nga suporta alang sa mga pamilya nga wala maapil sa inisyal nga lista sa mga benepisyaryo.
