Gipangulohan ni Comelec Chairman George Erwin Garcia ang programa alang sa turnover sa mga bag-ong printing machines ug pag-imprenta sa test ballots.
Diin gipahigayon kini sa National Printing Office (NPO) sa Diliman, Quezon City.
Matod ni Garcia, sa mosunod nga mga semana hugtan na ang pag-imprenta sa mga balota, busa importante nga maandam ang mga pasilidad alang sa full blast nga pagpangandam sa eleksyon.
Apan, gihimug-atan niini nga bisan og adunay filing sa certificate of candidacy niadtong sayong bahin sa Oktubre, nagpadayon gihapon ang proseso sa bidding sa giumol nga mga board sa poll body.
Ang tuyo niini nga dili madiskaril ang pagpangandam sa eleksiyon.
Bisan sa panahon sa bagyo, aduna gihapoy mga tigom nga gitambongan sa mga lider sa komisyon.
Sa adlaw sa pagkuso-kuso sa tropical storm Kristine, ang mga opisyal ug kawani sa Comelec giingong anaa sa Central Visayas aron mohimo og information campaign, kabahin sa unsaon paggamit sa makina ug mga lakang sa pagsusi sa kahimtang sa mga botante.
Sa laing bahin, nabalaka si Garcia nga sa adlaw sa piniliay, usa ra ka balota ang gitagana sa matag botante busa angayng magmatngon ang tanan.
Dili mahikap kung basa, hugaw o tinta ang kamot, kay maapektuhan ang atong pagboto.
Giingong daghan usab nga extra ballots ang dili ma-alokar tungod kay dugang gasto kana sa proseso sa pag-imprenta.
