Gibalibaran sa Pasig Regional Trial Court (RTC) Branch 159 ang gisubli nga hangyo ni Kingdom of Jesus Christ (KOJC) founder Pastor Apollo Quiboloy alang sa hospital arrest.
Sa kamandoan nga pinetsahan og Oktubre 8, ang korte miingon nga wala silay nakitang “compelling reason” aron ipailalom sa hospital arrest ang nangangkong anak sa Ginoo sa Philippine Health Center o sa Medical City.
Matod pa niini nga ang mga rekord niini klaro nga nag-establisar nga ang iyang medikal nga mga panginahanglan diha-diha dayon ug padayon nga natubag samtang siya anaa sa kustodiya sa Pasig City Jail ug nga siya nagpadayon sa pagdawat sa tukma ug igong medikal nga pag-atiman sa ospital ubos sa pagdumala sa mga takos nga medical professionals.
Una nang gibalibaran sa korte sa Pasig ang hangyo ni Quiboloy alang sa hospital arrest sa miaging tuig.
Kahinumdoman nga ang kampo ni Quiboloy niingon sa hangyo niini sa pag-aresto sa ospital tungod kay nakasinati siya og padayong kalisod sa pagginhawa inubanan sa balikbalik nga hilanat, panakit sa katuhuran ug pag-ubo samtang anaa sa prisohan.
Ang korte sa Pasig maoy nagdumala sa kaso ni Quiboloy nga qualified human trafficking nga walay piyansa.
Ang hearing nga gikatakda kagahapong adlawa kay gibalhin ngadto sa Disyembre 11.
