Sigon sa giluwat nga Memorandum Circular sa Opisina sa Presidente didto sa Malacañan niadtong adlaw sa Dominggo, Hunyo 9, 2024 kabahin sa kamanduan sa pag-implementar sa “Bagong Pilipinas: Hymn and Pledge” matag semana sa giingong flag-raising ceremony.
Kini ang detalye nga giluwat sa maong memorandum nga gidasig sa Malacañan ang tanang LGUs, State Universities and Colleges, ug uban pang ahensya sa gobyerno.
Subay niini, sa pamahayag ni Cebu City Acting Mayor Raymond Alvin Garcia nga nakigpulong na siya sa Human Resource and Development Office (HRDO) sa pagsusi sa maong kamanduan gikan sa kaulohan aron kini mahisgutan sa umaabot nga sinemana nga pakigpulong sa mga department heads sa kagamhanang local sa maong dakbayan.
Dugang pa sa alkalde nga supportado niya ang maong lakang sa kasamtangang administrasyon sa pagtanum og prinsiptyo alang lang gihapon sa kalabuan sa kadaghanan.
Kahinumduman nga pipila na ka ahensya sa gobyerno ang nag-implementar sa paggamit sa “Bagong Pilipinas” logo sa ilang mga opisyal nga mga dokumento ug ang opisyal nga pagkanta sa maong hymn and pledge kay gisibya pinaagi sa pagpost niini online.
