CEBU CITY- Gitan-aw karon sa buhatan sa Commission on Human Rights-Central Visayas kung gitugutan ba sa mga BJMP personnel nga ang mga piniriso ang modisiplina sa ilang kaubang piniriso o kapakyas ba kini sa pagbantay sa pasilidad sa Cebu City Jail nga miresulta sa kamatayon sa usa ka Person Deprived of Liberty (PDL) nga napalgang patay sulod sa iyang selda niadtong Abril 26.
Atol sa pakighinabi sa Bombo Radyo Cebu Newsteam kang Atty. Arvin Odron, ang Regional Director sa CHR-7, iyang gipaambiy nga kung mapamatud-an nga adunay kalabutan o nagpabaya ang mga personahe kay sigurado nga masilotan kini sa tukmang silot.
Kini subay sa gipagawas nga medicolegal ni Dr. Rene Enriquez Cam, ang National Bureau of Investigation-7 Forensic Expert nga adunay nakita nga mga bun-og sa pipila ka bahin sa lawas ni Fernando Abapo Prajes, diin matod niya, ang resulta sa maong report makonsiderar nga “highly-technical.”
Diin klaro nga adunay ‘human intervention’ nga nahitabo sa kamatayon ni Prajes ug dugang ni Atty. Odron nga dili usab mamahimo nga si Prajes mismo ang mo-inflect sa iyang nahiaguman nga mga bun-og.
