Giingong nabali ang tuhod ni Senador Jinggoy Estrada sa dihang kalit siyang mitindog samtang anaa sa sulod sa Quezon City Jail.
Mao kini ang inisyal nga diagnosis ni Dr. Jose Fernando Syquia, ang 63-anyos nga orthopedic doctor sa Senador.
Dugang pa sa doctor nga ang maong kondisyon kasagaran nanginahanglan og operasyon.
Ingon man nga gitugyan na niini sa Senador kung kinahanglan niya nga ma-confine ug kaya na niya ang kasakit.
Mahinumduman nga gidala si Senador Estrada sa Cardinal Santos Medical Center sa San Juan City human giingong nabali ang iyang tuhod sa dihang mitindog siya.
Gitugotan sa Sandiganbayan niadtong Lunes ang hangyo ni Estrada nga ipa-X-ray ang iyang tuhod kung mahimo tungod sa kasakit.
Apan, sumala sa Bureau of Jail Management and Penology (BJMP), samtang nangandam ang Senador nga moadto sa ospital, kalit nga nabali ang iyang tuhod tungod sa dugang nga kasakit.
Naa si Estrada sa prisohan tungod sa mga kasong plunder ug graft nga may kalabotan sa iyang giingong pagdawat og kickbacks gikan sa mga flood control projects.
