Gisirad-an niadtong Miyerkules ang ikaduhang lebel sa makasaysayanong Colosseum sa Roma human sa nahitabong trahedya diin namatay ang usa ka trabahante, sumala sa pahayag sa Ministry of Culture sa Italya.
Ang biktima nga si Andrea Moretti, usa ka specialist high-altitude rope access worker, ang namatay sulod sa maong Flavian Amphitheater tungod sa usa ka aksidente sa trabahoan, hinungdan nga nagdesisyon ang Colosseum Archaeological Park nga pasirad-an una sa publiko ang maong seksyon agi’g pakigduyog sa kasubo.
Bisan kon wala pa naghatag og dugang detalye ang kagamhanan, padayon na ang imbestigasyon sa kapolisan aron masuta ang eksaktong hinungdan sa maong insidente.
Si Culture Minister Alessandro Giuli nipadayag usab sa iyang dakong kasubo alang sa gidugayon sa batan-ong trabahante.
Ang Colosseum, nga gitukod niadtong unang siglo ug giisip nga pinakadakong amphitheater sa tibuok kalibotan nga makaakomodar og hangtod 50,000 ka tawo, maoy usa sa pinakadakong tourist destination nga ginadugok sa hangtod 20,000 ka bisita matag adlaw sa mga peak season.
