Gisang-at sa House Young Guns ang House Bill No. 10587 o ang West Philippine Sea Education Act aron ilakip ang angay nga edukasyon bahin sa West Philippine Sea sa kurikulum sa eskwelahan.
Ang balaodnon nagtumong sa pag-edukar sa mga estudyante bahin sa mga katungod sa Pilipinas sa West Philippine Sea base sa Konstitusyon, sa Philippine Maritime Zones Act, UNCLOS, ug sa 2016 arbitral ruling.
Sumala niini, importante nga hatagan ang mga batan-on og tukma ug gibase sa ebidensya nga impormasyon aron dili sila malimbongan sa sayop nga impormasyon ug propaganda.
Gimandoan usab sa balaodnon ang Department of Education ug ang Commission on Higher Education sa paghimo og standardized learning materials sa pakigtambayayong sa lain-laing mga ahensya sa gobyerno.
Gipahayag usab niini nga ang pagtudlo kinahanglan magpabilin nga walay partisan, gibase sa ebidensya, ug nahiuyon sa opisyal nga mga palisiya ug internasyonal nga balaod.
