CENTRAL VISAYAS-Nimando ang Department of Interior and Local Government (DILG) sa tanan nga local government units (LGUs) ug uban pa nga attached agencies aron suportahan ang Balik-Eskwela 2023 nga kampanya sa Department of Education pinaagi sa pagsiguro sa malinawon ug hapsay nga pagsugod sa klase karong Agosto 29, 2023.
Pahinumdom ni DILG Secretary Benhur Abalos sa mga LGU ug law enforcement units nga magbinantayon aron masiguro ang kaluwasan sa mga estudyante, ginikanan ug magtutudlo karung nagsugod na ang klase.
Nagpagawas usab og memorandum si Abalos nga nag-awhag sa mga LGU nga manguna sa mga kalihokan sa Bantay Peligro alang sa Balik-Eskwela 2023.
Niawhag ang LGU sa paghimo og mga kalihokan sa pagsiguro sa usa kaluwas ug malinawon nga palibot alang sa tanan nga mga estudyante, ginikanan ug mga magtutudlo sama sa pagpatawag sa sa Local Peace and Order Council (LPOC) alang sa pagplano sa aksyon aron mailhan ug masusi ang bisan unsang potensyal nga risgo sa mga lugar sa tunghaan.
Gimandoan usab ang mga LGUs nga ipakatap ang mga law ug traffic enforcers, barangay tanod, medical personnel, ug uban pang force multipliers ingon man pagsiguro sa igong mga lakang sa seguridad sama sa pag-instalar ug pagmonitor sa mga close-circuit television (CCTV) camera ug pagsiguro nga adunay mga guwardiya, taliwala sa uban.
