CEBU CITY — Patay ang bana samtang kritikal ang kahimtang asawa niini human giingong gibangga sa duha ka mga dakong trak ang gisakyang multicab nga adunay kargang isda kaganiha sa Brgy. Bulacao, dakbayan sa Sugbo.
Giila sa mga imbestigador ang drayber sa multicab nga si Edwin Saldania samtang kasakay usab niini ang kapikas nga si Daiana Mariwen Saldana.
Matud ni Police Chief Master Sgt. Renante Abuzo sa Pardo Police Station nga mopaingon unta sa dakbayan sa Naga ang maong multicab nga adunay kargang isda nga pinalit sa Pasil Fish Market.
Sa dihang nihunong ang maong sakyanan sa national highway, kalit nga mibangga ang cement mixer sa likod niini samtang mibangga usab sa atubangan ang laing dumptruck.
Hinungdan nga hilabihang nalumping ang multicab ug nangakatag ang isda sa dalan sa dihang niresponde ang hingtungdang otoridad.
Nakita sa mga medical responders nga “dead on the spot” ang bana gumikan sa nahiagumang injuries sa lawas.
Samtang gidala usab sa tambalanan ang asawa human usab nakaangkon og serious injuries atol sa maong insidente.
