Mitaliwan na ang bantogang chimpanzee sa Japan nga si Ai sa edad nga 49.
Sumala sa Center for the Evolutionary Origins of Human Behavior sa Kyoto University, ang bayeng chimpanzee namatay niadtong Enero 9 tungod sa katigulangon ug organ failure.
Natawo si Ai sa kasadpang Africa ug gidala sa Japanese institute niadtong 1977, kabahin siya sa gitawag nga Ai project, usa ka programa sa panukiduki aron tun-an ang hunahuna sa usa ka chimpanzee.
Lakip sa mga butang nga iyang nakat-unan mao ang pag-ihap sa mga numero ug pag-ila sa mga kolor.
Sa dihang 18 ka bulan pa lang siya, gihatagan siya og espesyal nga keyboard nga konektado sa kompyuter aron tun-an ang iyang memorya ug kahibalo.
Sa edad nga 6-anyos, nakakat-on siya sa pag-ihap hangtod sa unom ug makaila sa mga kolor ug mga butang hangtod sa 300.
Niadtong 2000, nanganak siya og usa ka anak nga lalaki nga ginganlan og Ayumu, kinsa usa usab ka intelihente nga espisye.
