MANDAUE CITY- Natanggong sulod sa pipila ka oras ang sikat nga aktor sa pelikula nga si Baron Frederick Von Geisler sugod sa alas 3 sa kaadlawon sa Police Station 6 sa Mandaue City Police Office (MCPO) niadtong Pebrero 22, 2025.
Kini ang gikumpirma ni Police Lt Col Mercy Villaro,Spokesperson sa Mandaue City Police Office (MCPO) atol na sa sa eksklusibong pakighinabi sa Bombo Newsteam, nga kini human gikatahong nakamugna og kagubot sa usa ka sesyon sa pag-inom.
Matod ni Villaro nga nadawat sa kapulisan ang alarma mga alas 3 sa kaadlawon ug gituohang hubog si Geisler ug maoy hinungdan sa kasamok.
Hinungdan, nga gibutang sa custodial facility sa police station si Geisler tungod sa kalapasan sa Mandaue City Ordinance No. 11-2008-434 (drunkenness) o grabeng kahubog diin mismong iyang mga bayaw (brothers-in-law) ang mipapriso niini kay nanghagis na sa ilang dapit.
Dugang ni Villaro nga walay naangol atol sa maong insidente.
Apan ang maong kalapasan sa balaod ni Geisler kay usa lamang ka ‘misdemeanor’ nga aduna ray multa nga P500.
Dugang pa, nga human sa pipila ka oras nakagawas ug nakapauli ra dayon ang actor sa ilahang panimalay sa dakbayan sa Mandaue, human gibayranan sa iyang asawa ang naasoy nga penalty.
Ang 42-anyos nga aktor minyo sa usa ka Cebuana, usa siya sa nanguna nga mga sa hit nga serye sa Netflix nga Incognito.
