Pormal nang giablihan sa dakbayan sa Mandaue ang Barrio Fiesta Food Park dii nagpwesto sa mga nagkadaiyang tinda nga mamahimong nindot nga kasuyuran sa mga Mandauehanon.
Gipangunayan sa mga opisyales sa dakbayan sa pagpagpangulo ni Mandaue City Mayor Thadeo “Jonkie” Ouano ang pagbukas sa food park niadtong Biyernes sa hapon, Abril 17, 2026.
Nahimutang kini sa Heritage Plaza atubangan sa City Hall ug duol sa simbahan sa St. Joseph. Abli kini sila matag adlaw gikan sa alas 4 sa hapon hangtod sa alas 11 sa gabii nga mulanat sa Abril 26.
Ang pag-abli sa food park kay subay sa pagsaulog sa syudad sa Mid-Year Cultural Summit alang sa umaabot nga kapistahan sa dakbayan.
Klase-klaseng pagkaon ang gibida sa mga manindahay sa food park sama sa lechon, nilarang, tuslob buwa, pungko-pungko ug daghan pa. Gidani sa kagamhanang dakbayan ang publiko ilabi na sa mga Mandauehanon nga bisitahon ang food park agi og paglingaw-lingaw nga nakatampo pa sa panginabuhi sa mga lokal nga manindahay.
