MASSACHUSETTES, USA-Nabuta ang usa ka autistic nga batang lalaki sa Massachusetts, USA tungod sa kanunay nga pagkaon niini og junk food.
Sumala sa New England Journal of Medicine nga wala na matud pay paglaom nga mabalik pa ang panan-aw sa bata tungod sa ka grabi na kakuwang sa nutrisyon sa lawas niini.
Dugang sa mga doktor nga tungod kini sa mga ginakaon sa bata nga bugtong Potato Fries ingon man burgers ug mga dili natural nga juice, rason nga nagkuwang na ang bitamina sa lawas nga importante arun makakita ang usa ka tawo.
Apan sumala sa mga ginikanan sa maong bata nga wala matud pa silay laing choice kundili ang pakan-on ang maong bata sa maong mga pagkaon tungod kay dili man usab kini mo kaon og laing mga pagkaon.
Ug nasuta nga ang maong bata, adunay avoidant/restrictive food intake disorder (ARFID), kon severe phobia sa ubang mga pagkaon.
