Bata nga naligo sa ulan, giatake og kalit sa iro

Naangol ang siyete anyos nga batang babaye human napaakan og iro sa nawong sa Calamba, Laguna.

Base sa imbestigasyon, pauli na ang biktima human naligo sa ulan dihang giataki kini sa iro.

Gipaak sa iro ang nawong sa bata ug natumba kini.

Daling mitabang ang silingan ug giabog ang iro.

Nakaangkon og samad sa ulo, nawong, ug mata ang biktima.

Ang bata anaa sa luwas nga kahimtang ug ang tag-iya sa iro maoy nagbayad sa gasto sa pagpatambal.