CEBU – Niadtong Disyembre, tangtangon na unta sa 16-anyos nga si Rain Artillo ang gisaksak nga charger dihang nakuryentihan kini og nahulog.
Nakaluwas ang batan-ong lalaki sa maong katalagman ug nadiskobrehan nga daw nakabaton kini og super power nga may kalabaton sa kuryente.
Saysay pa ni Rain, gikan sa Banga, South Cotabato, nialagpot kini ug nahunong pipila ka segundos dihang nakuryentihan sa ilang balay.
Daw nawad-an kini og kusog ug nakabati og trauma sa maong panghitabo.
Apan usa ka kagabhion, pasigaon na unta niini ang bombilya sa gawas sa ilahang panimalay dihang kalit kining misiga bisan wala pa kini masaksak.
Nahitabo ang pagsiga sa bombilya dihang nagunitan niya ang plug sa nga maoy isaksak sa kuryente.
Aron pagmatuod nga dili lang kini tinumotumo, gipakita ni Rain ang pagsiga 15 watt LED bulb bisag wala kini gisaksak.
