CEBU – Gusto ka bang magtampisaw sa tubig ug magduwa sa bas samtang magtagamtam sa huyohoy ug kalinaw sa halapad nga mga humayan?
Posible kana human gitukod ang usa ka resort tunga-tunga sa umahan.
Sa usa ka taho, unom na ka buwan sukad giablihan sa pamilya ni Prelan Valencia ang 3S Island Resort nga adunay gilapdon nga 4,000 square meters sa Isabela.
Apan sa wala pa niini, gikathong gihatag sa ilahang inahan ang farm aron gamiton nila sa pag-amuma og mga manok, itik ug tilapia.
Gikan sa fish pond, gihimo kini nga swimming pool nga nagsilbing mini-resting area sa pamilya.
Gipa-abangan usab nila ang swimming pool sa panahon sa kataas sa pandemya diin ang mga tawo nangita og usa ka pribado nga lugar.
Gigamit sa magtiayon ang ilang tinigom aron idugang ang ubang pool, cottage, kwarto ug function hall, hangtod nga nahimong resort ang gamay nga bahin sa talamnan.
Sa kasamtangan , aduna na usab kini kiddie pool alang sa mga bata, jacuzzi ug beach volleyball.
Aron mas masinati ang beach concept, gibutangan usab nila kini og 15 ka trak sa pino nga bas.
