Wala gisalikway ni kanhi No.1 overall pick Ben Simmons ang posibilidad nga makabalik siya sa National Basketball Association (NBA) human siya naka-recover sa back injury.
Ang kanhi All-Star naa karon sa Australia aron moapil sa minicamp sa Australian national team.
Ang kanhi NBA forward gikatakdang moduwa para sa Boomers sa 2028 Olympics sa Los Angeles, apan kinahanglan una siyang mag-training uban sa national team aron makakuha og puwesto.
Katapusang nakaduwa si Simmons para sa national team sa Australia niadtong 2013 sa dihang teenager pa lang siya, ug sukad niadto, wala siya nakaduwa og tulo ka Olympics tungod sa nagkalain-laing rason, lakip na ang iyang panglawas.
Sa usa ka interbyu, si Simmons miingon nga abli siya sa usa ka reunion uban sa Philadelphia 76ers, diin siya nakaduwa kaniadto.
Uban sa nahisgutang team, nakaabot siya sa All-Star Game sulod sa tulo ka season. Nakuha usab niya kaniadto ang Rookie of the Year Awards niadtong 2017-2018.
Basi sa mga report gikan sa pipila ka mga NBA insider, daghang mga team sa liga ang nagtanyag usab kaniya og non-guaranteed deal aron moapil sa minicamp, sa dili pa magsugod ang 2026-2027 Season.
Si Simmons adunay career stats nga 13.1 PPG, 7.2 APG, 7.4 RPG, ug 1.5 SPG.
