Nangulo ang Bureau of Fire Protection-7 sa paghost sa sinemanang flag ceremony sa Cebu Cityhall grounds, diin gisalmotan kini og pipila ka mga dagkong opisyales sa Sugbo.
Atol sa maong seremonya, gilakbit na usab og pagpahibalo ngadto sa publiko sa BFP-7, ubos sa pagpangu ni Fire Chief Superintendent Fred Trajeras Jr., ang Regional Director sa BFP-7, kabahin sa mga kalamboan sa maong buhatan sa Dakbayan sa Sugbo.
Subay niini, gitataw ni Trajeras Jr. nga possibleng moabot ang National Director sa BFP, subay sa posibilidad nga ari usab sa Dakbayan sa Sugbo pagahimuon ang paghatag og pasidungog sa mga sakop sa ka bomberohan ug mga volunteers nga mabayanihong nitagana sa ilahang tagsa-tagsa ka mga kakugi nga niresulta sa pagkamalampuson sa search, rescue, and retrieval operation sa nahugno landfill sa Binaliw niadtong Enero 8, 2026.
Gawas niana, gibutyag usab sa maong buhatan ang ilahang mga lakang nga pagabuhaton karong buwana ug sunod buwan, Marso, kalabot na sa Fire Prevention Month.
Diin, bisan paman nga layo-layo pa ang Marso, subsob ra gihapon ang ilang pagpangandam ug pagpahimangno sa publiko, ilabi na nga adunay sunod-sunod nga mga fire incidents dinhi sa Dakbayan sa Sugbo.
Tumong niini nga pagpangandam mao nga malikay na ang gingsakopan sa maong buhatan sa mga bisan unsang matang sa trahedya.
Gani, gitataw usab ni Trajeras Jr. nga gawas sa mga personnel nga pasidunggan nga gipakatap niadtong search, rescue, and retrieval operation sa nahugno landfill sa Binaliw, adunay tsansa usab nga malakip ang ubang personahe nga napakatap sa mga dagkong trahedya o kalamidad sama sa Bagyong Tino nga niigo sa Dakbayan, diin makadawat kini og cash incentives.
