-- ADVERTISEMENT --
Unang gilusad ang Rice 29 program sa gobyerno sa mga sentro sa Kadiwa sa Metro Manila ug mga silingang probinsya.
Kini ang gipahibalo ni National Food Authority Administrator Larry Lacson.
Diin ubos sa maong programa, ang ‘aging stock’ sa bugas ibaligya sa tag P29 matag kilo, diin matod sa ahensya mga maayong klase sa bugas.
Apan, limitado ang programa sa vulnerable sector, lakip ang mga benepisyaryo sa conditional cash transfer program, persons with disabilities, senior citizens ug single parents.
Gilauman usab sa buhatan sa Department of Agriculture nga ang mga mamahimong makabenepisyo niini kay anaa sa 6.9 milyones ka mga panimalay o gibana-bana nga 34 milyones ka mga indibidwal.
-- ADVERTISEMENT --
