Giawhag ni Sen. Bam Aquino ang Senado nga pasidunggan ang BINI pinaagi sa usa ka resolusyon alang sa ilang makasaysayanong debut sa Coachella isip unang P-pop group nga mopasundayag sa nangungunang music festival sa kalibutan.
Gisang-at ni Aquino ang gisugyot nga Senate Resolution 370 diin iyang giingon nga ang pasundayag sa BINI usa ka “historic milestone,” ug gipunting nga ang Coachella giila nga “one of the most prestigious and highest-grossing music festivals in the world.”
Matod ni Aquino, ang pasundayag sa BINI nagpakita sa garbo sa mga Pilipino pinaagi sa paggamit sa tradisyonal nga mga elemento, lakip ang salakot ug tropical-inspired attire, ingon man ang pagsagol sa kontemporaryo ug tradisyonal nga mga istilo sa ilang mga costume, musika, ug koreograpiya.
Gani, gitataw niini nga ang pag-apil sa BINI sa Coachella nagpasiugda sa nagkadako nga growing potential sa creativity sa Pilipinas, nga nagpakita kung giunsa ang talento sa mga Pilipino makamugna og global nga demand, economic opportunity, ug makapalig-on sa presensya sa nasud sa global nga kultural ug creative landscape.
Nagtuo si Aquino nga ang “pioneering performance” sa BINI nag-abli sa dalan alang sa padayon nga pagtubo sa Philippine pop, samtang nag-abli og daghang mga oportunidad alang sa daghang mga Filipino artist sa global scene.
Dugang ni Aquino, ang pasundayag sa BINI makonsiderang “an inspiration to young Filipinos.”
