BIR, masaligon nga makab-ot ang ilang target collection

Masaligon ang Bureau of Internal Revenue (BIR) nga makab-ot nila ang ilang target collection karong tuiga bisan pa sa krisis sa Middle East.

Sumala sa BIR, sa unang duha ka bulan sa 2026 lamang, ang ilang koleksyon sa kita miabot na sa kapin P530.05 bilyon.

Kini mas taas kaysa sa ilang target nga P2.2-B net sa tax refunds.

Gipasigarbo usab sa BIR nga ang nahisgutang koleksyon sa unang duha ka bulan sa tuig mas taas usab kon itandi sa parehas nga mga bulan sa 2025.

Nakab-ot nila kini tungod sa suporta gikan sa nasudnong kalamboan samtang gipanalipdan ang mga katungod sa mga magbubuhis.

Mahinumduman nga ang BIR wala na maningil og value-added tax (VAT) sa lumad nga natural gas ug pipila ka mga transaksyon sa power generation.